Dem say Nigeria go better since I small pikin
But every election na same old preaching
Politicians dey promise heaven before voting day
Once dem enter office, dem vanish far away
Mama wake 4am just to hustle for food
Yet dollar high, everything don spoil mood
Fuel price rise, transport don tear pocket
Poor man dey suffer while dem dey private jet
Graduate for house with certificate for hand
No job, no helper, survival no dey planned
Young boys dey streets dey push day and night
Some lose their way just to chop and survive
Electricity na luxury, light no dey stay
But bill dey enter like power full everyday
Hospital weak, people dey die for bed
While leaders fly abroad when headache touch head
Them steal our future with agbada and smile
Still dey tell the youth “be patient for a while”
How long we go wait? how long we go cry?
How many dreams Nigeria go bury before we die?
Police stop young boy because e dress neat
Call am fraudster before dem hear him speak
Talent full Naija, but system lock gate
Many stars no fit shine because country too late
Father dey suffer just to pay school fees
Mother dey market dey beg God on her knees
Children dey hungry but senate dey increase pay
Tell me wetin common man gain today?
We no hate our country, na the pain too loud
Because the rich dey smile while the poor dey bowed
Still we dey hopeful, still we dey pray
Say one day sunshine go chase dark away
Because Naija youth strong, we no dey fall finish
Even when struggle wan make our spirit diminish
One day truth go rise, corruption go fade
And the tears of the masses no go waste 🔥🇳🇬